အတူရှိခြင်း
ကစားကွင်းပန်းခြံဝန်ထမ်း ဂျန်းတစ်ယောက် ရပ်(ဖ်) ငို၍မြေပေါ်ထိုင်ချလိုက်သည်ကိုမြင်သောအခါ ကူညီပေးရန် သူအပြေးလေးသွားလိုက်သည်။ ရပ်(ဖ်)သည် အော်တစ်ဇင်(အထီးကျန်စိတ်ဝေဒနာ) ရောဂါခံစားနေရသောကလေ ဖြစ်ပြီး သူစီးရန် တစ်နေ့လံုး စောင့်နေသော စီးယာဉ်တစ်ခုမှာ စက်ချို့ယွင်းသွား သဖြင့် သူမစီးလိုက်ရသောကြောင့် ထိုင်ငိုနေတော့သည်။ ဂျန်းသည် ရပ်(ဖ်)ရှိရာနေရာသို့ ချက်ခြင်းပြေးသွားကာ ထခိုင်းမည့်အစား၊ ချော့မည့်အစား ရပ်(ဖ်)နှင့်အတူ မြေကြီးပေါ်ထိုင်ချပြီး ရပ်(ဖ်)အား သူ၏ခံစားချက်အတိုင်း ငိုစေခဲ့သည်။
ဂျန်း၏အပြုအမူသည် ကျွန်ုပ်တို့ဝန်းကျင်၌ရှိသော ပူဆွေးသောကရောက်လျက် ခံစားနေရသူများကို အားပေးရန် သင့်တော်လှပသော သာဓကတစ်ခု ဖြစ်သည်။ သမ္မာကျမ်းစာတွင် ယောဘ၏ဆံုးရှုံးမှုဖြစ်သော သိုး၊ နွား၊ စီးပွားရေးနှင့် ကျန်းမာရေးထိခိုက်မှု၊ သားသမီး ၁၀ ဉီး တစ်ပြိုင်နက် သေဆံုးမှုကြောင့် ယောဘ၏ဝမ်းနည်းပူဆွေးမှုအကြောင်း ဖော်ပြထားသည်။ ယောဘ၏မိတ်ဆွေတို့သည် ယောဘ၏သတင်းကို ကြားသိလျှင် “ယောဘနှင့်အတူ ညည်းတွား၍၊ သူ့ကို နှစ်သိမ့်စေခြင်းငှာ၊ စည်းဝေးမည့်ချိန်းချက်သည်အတိုင်း၊ အသီးသီး မိမိတို့ နေရာအရပ်မှ…
ငှားစီးခဲ့သော ရှူးဖိနပ်
၂၀၁၈ ခုနှစ် ကယ်လီဖိုးနီးယားတောမီးကြောင့် အိုးအိမ်စွန့်ပြေးခဲ့ရသဖြင့် နှစ်ကြီး အထက်ကျောင်းသားဂေ့ဘ်သည် တောလမ်းခရီးကြမ်းအပြေးပြိုင်ပွဲအတွက် လေ့ကျင့်ခဲ့ပြီးမှ အရည်အချင်းစစ်အပြေးပြိုင်ပွဲကို မဝင်ခဲ့ရပါ။ အရည်အချင်း မပြည့်မီခြင်းက သူ၏ ၄ နှစ်တာ အပြေးသမားဘဝ၏အမြင့်ဆုံးပွဲဖြစ်သည့် ပြည်နယ်အဆင့်ပြိုင်ပွဲဝင်ရန် အခွင့်မရှိတော့ခြင်းပင်ဖြစ်သည်။ အခြေအနေ အရပ်ရပ်ကို ထောက်ထားလျက် ပြည်နယ်အပြေးအားကစားသမားများ ဘုတ်အဖွဲ့က ဂေ့ဘ်အား နောက်ထပ်အခွင့်အရေးတစ်ခုပေးခဲ့သည်။ ပြိုင်ဘက် အထက်တန်းကျောင်း၏ အပြေးလေ့ကျင့်ကွင်းတွင် သတ်မှတ်ထားသည့် လေ့ကျင့်ချိန်ပြည့်မီအောင် သူ့ဘာသာသူ ပြေးရန်ဖြစ်သည်။ သူ့အားကစား ဖိနပ်က မီးထဲပါသွားသည့်အတွက် အားကစားရှူးဖိနပ်ဖြင့်မဟုတ်ဘဲ သာမန် ရှူးဖိနပ်ဖြင့်သာ သူပြေးရပါမည်။ သို့နှင့် ပြိုင်ပွဲကွင်းသို့ ရောက်လာသောအခါ သူ့ပြိုင်ဘက်အပြေးသမားများက သူ့အတွက် သင့်တော်သည့် အားကစား ဖိနပ်ကို ပြင်ဆင်ပေးထားပြီး ပြည်နယ်အဆင့်အရည်အချင်းမီ သူ၏အမြန်နှုန်းအတိုင်းပြေးနိုင်အောင် သူနှင့်အတူပြေးခဲ့သဖြင့် ဂေ့ဘ် အံ့အားသင့်ခဲ့ရသည်။
ဂေ့ဘ်၏ပြိုင်ဘက်အနေဖြင့် ထိုသို့လုပ်စရာအကြောင်းမရှိပါ။ လူ့သဘာဝ အတိုင်းတွက်ပြီး ကိုယ်အကျိုးကိုသာ ကြည့်မည်ဆိုလျှင် ကြည့်နိုင်ပါသည်…
ခြောက်သွေ့အရပ်၌ ရှင်သန်နိုင်သည်
၂၀၁၉ ခုနှစ် ဧပြီလက ကယ်လီဖိုးနီးယားပြည်နယ် ဗစ်တာဗီးလ်မြို့အနီးရှိ ဆင်ခြေဖံုးရပ်ကွက်တွင် ဆူးခြုံပင်အလုံးအထွေးများ ပြည့်နှက်လျက်ရှိသည်။ ထိုဆူးခြုံများ ပေါက်ရောက်သည့် မိုဟာဗီးသဲကန္တာရမှ လေပြင်းတွန်းအားကြောင့် တစ်လိမ့်လိမ့်လွှင့်ကာ ရောက်လာခြင်းဖြစ်သည်။ ထိုဒုက္ခပေးသည့် အရွယ်ရောက် ဆူးခြုံပင်သည် အမြင့် ၆ ပေထိရှိနိုင်ပြီး သန်စွမ်းခိုင်မာသော်လည်း အပင်ခြောက် သည့်အခါ အမြစ်မှကျွတ်ထွက်ပြီး လေတိုက်မှုကြောင့် အလုံးအထွေးအဖြစ် မြေပြင်ပေါ်လိမ့်သွားကာ ၎င်း၏အစေ့များကို နေရာအနှံ့ပြန့်ကျဲစေတော့သည်။
ယေရမိအနာဂတ္တိကျမ်း၌ဖတ်ရှုရသည့် “စိတ်နှလုံးထဲ၌ ထာဝရဘုရား ထံတော်မှ ထွက်သွားသောသူ” (ယေ ၁ရး၅) သည် ထိုဆူးခြုံလုံးများကဲ့သို့ပင် ဖြစ်ကြောင်း ကျွန်ုပ်ပုံဖော်မိသည်။ “ထိုသူသည် လွင်ပြင်၌ရှိသော သစ်ပင်ခြောက် ကဲ့သို့ဖြစ်၍ ကောင်းကျိုးရောက်ကြောင်းမသိရ။ အဘယ်သူမျှမနေသောဆားမြေ၊ သွေ့ခြောက်သောလွင်ပြင်၌ နေရလိမ့်မည်” (:၅-၆) ဟု ယေရမိက မိန့်ကြားသည်။ လူကို ကိုးစားခြင်းမပြုဘဲ ထာဝရဘုရားကိုကိုးစားသောသူနှင့်နှိုင်းယှဉ်လျှင် သိသိ သာသာကွာခြားမှုရှိသည်။ ထာဝရဘုရားထံမှ ခွန်အားပြည့်ဝစွာ ရရှိသူသည်…
နှလံုးသားထက်၌ ရိုက်နှိပ်ထားသည်
၁၄၅၀ ခုနှစ်က ယိုဟန်းနပ်စ် ဂူတင်ဘတ်(Johannes Gutenberg) သည် ပံုနှိပ်စက်နှင့် ရွေ့လျားနိုင်သည့် လက်နှိပ်စက်ကို ပေါင်းစပ်တီထွင်လိုက်သောအခါ ကမ္ဘာ့ အနောက်ခြမ်း၌ လူမှုဆက်သွယ်ရေးကဏ္ဍကို ဖွင့်လှစ်နိုင်ခဲ့ပြီး သင်ယူလေ့လာမှု ပြုနိုင်သည့် လူမှုဘဝနယ်ပယ်သစ်ကို ဖြန့်ကျက်စေခဲ့သည်။ ကမ္ဘာတစ်ဝန်း၌ စာတတ်မြောက်မှုစွမ်းရည် တိုးတက်လာပြီး အတွေးအမြင်သစ်များက လူမှုရေးနှင့် ဘာသာရေးကဏ္ဍများ၌ မြန်ဆန်သော ပြောင်းလဲမှုများဖြစ်စေခဲ့သည်။ ဂူတင်ဘတ် သည် ပထမဉီးဆံုးသောသမ္မာကျမ်းစာ ကိုလည်း ပံုနှိပ်ထုတ်ဝေခဲ့သည်။ ထိုသို့ပံုနှိပ် နိုင်ခြင်းမတိုင်မီက သမ္မာကျမ်းစာဆိုသည်မှာ အလွန်ပင်ပန်းစွာ လက်ရေးမူဖြင့် ကူးရေးရပြီး၊ ကျမ်းပညာရှင်များ အတွက် အချိန်တစ်နှစ်ကြာမျှ ကြာမြင့်သည်။
ထိုအချိန်မှစ၍ ရာစုနှစ်များစွာ ပံုနှိပ်လုပ်ငန်းသည် သင်နှင့် ကျွန်ုပ်ကဲ့သို့သော သူများအတွက် ကျမ်းစာကို ကိုယ်တိုင်တိုက်ရိုက်ဖတ်ရှုနိုင်ခွင့်ကို ရရှိစေခဲ့သည်။ ဖုန်းများ၊ ကွန်ပြူတာများတွင် ကျမ်းစာကို ဖတ်ရှုနိုင်သည့်တိုင် ထိုတီထွင်မှု ကြောင့် ကျမ်းစာအုပ်ကို ကျွန်ုပ်တို့ ကိုင်တွယ်အသံုးပြုနိုင်ခွင့်ရရှိသည်။ တစ်ချိန်က…
ပြိုင်ဘက်လား၊ မဟာမိတ်လား
တက္ကဆက်နှင့် အာကန်ဆာပြည်နယ်ကြား နယ်နိမိတ်တွင် တက်ဇာကန်နာမြို့က လေးထောင့်ကျကျတည်ရှိသည်။ မြို့နေလူထု ၇၀,၀၀၀ ရှိသည့်မြို့လေးတွင် မြို့တော်ဝန် နှစ်ဦး၊ မြို့အုပ်ချုပ်ရေးအဖွဲ့ နှစ်ဖွဲ့၊ ရဲတပ်ဖွဲ့နှင့် မီးသတ်တပ်ဖွဲ့ နှစ်ဖွဲ့စီ ရှိသည်။ မြို့တွင်းအထက်တန်းကျောင်းများ အားကစားယှဉ်ပြိုင်မှု၌ ထူးကဲစွာ ကိုယ့်ကျောင်းကိုယ်လာအားပေးသူဦးရေ မြင့်မားခြင်းက မိမိတို့၏ပြည်နယ် ကျောင်းအပေါ်ထားသော လေးနက်သည့်သစ္စာခံခြင်းကို ထင်ဟပ်ပြခြင်းဖြစ်၏။ ရေဝေစနစ်အပေါ်အငြင်းပွားခြင်း၊ ပြည်နယ်ဥပဒေနှစ်မျိုးနှင့်အုပ်ချုပ်ခြင်းကဲ့သို့ သော သိသာထင်ရှားသည့်စိန်ခေါ်မှုများလည်းရှိသည်။ မြို့ကိုနှစ်ပိုင်းခြားထားသည့် နယ်ခြားမျဉ်း ရှိသော်လည်း မြို့၏စည်းလုံးညီညွတ်မှုက ထင်ရှားသည်။ မြို့နေပြည်သူ လူထု၏ တစ်လုံးတစ်ဝတည်းဖြစ်မှုကို ဆင်နွှဲရန် State Line Avenue ၌ ကျင်းပ သည့် ညစာစားပွဲသို့ နှစ်စဉ်စုရုံးလာပြီး အစားအသောက်များ ဝေမျှစားသုံးကြသည်။
ကောရိန္သုရှိယုံကြည်သူများသည် ပိုင်းခြားမျဉ်းမဆွဲထားသော်လည်း သူတို့ အကြား စိတ်ဝမ်းကွဲနေသည်။ သူတို့ကို ရှင်ယေရှုအကြောင်းသင်ကြားပေးသည့် ပေါလု၊ အာပေါလုနှင့် ကေဖ (ပေတရု)တို့အပေါ် အသီးသီးသစ္စာတည်ကြသည်။…
အခွင့်အရေးမယူပါ
လျော့ရက်ရရှိရေးအတွက် ထောင်သားများက လမ်းဘေးရှိအမှိုက်များကောက်နေစဉ် ကြီးကြပ်သူ ဂျိမ်း လဲကျသွားသည်။ ဂျိမ်းကိုကူညီရန် ထောင်သားများ ပြေးသွားပြီး သူ့ကို အရေးပေါ်ရှေးဦးကုသမှုဖြင့် ပြုစုပေးကြသည်။ ထောင်သားတစ်ဦးက ဂျိမ်း၏ ဖုန်းဖြင့် အကူအညီတောင်းခဲ့သည်။ ထောင်သား များသည် သူတို့၏ကြီးကြပ်သူ လေဖြတ်သွားသည့်အဖြစ်ကို လျစ်လျူရှုလျက် အခြေအနေကို ဆိုးသွားစေခြင်း (သို့) သူတို့ထွက်ပြေးရန်အတွက် ထိုအခြေအနေကို အသုံးချလိုက်ခြင်းထက် ကြီးကြပ်သူကို ချက်ခြင်းဆေးကုသမှုပေးခဲ့ခြင်းအတွက် နောက်ပိုင်းတွင် ရဲဋ္ဌာနမှ၎င်းတို့ကို ကျေးဇူးတင်ခဲ့သည်။
ထောင်သားများ၏ကြင်နာသည့်အပြုအမူနှင့် ပေါလုနှင့်သိလတို့အကျဥ်းကျ စဉ်က အတွေ့အကြုံတို့ မတူပါ။ သူတို့၏အဝတ်အစားများကိုချွတ်၊ ရိုက်နှက်ကာ ထောင်၌ဖမ်းချုပ်ထားစဥ် ပြင်းထန်စွာမြေငလျင်လှုပ်၍ သူတို့၏သံကြိုးများ ပြုတ် ထွက်ကုန်ပြီး ထောင်တံခါးများလည်း ပွင့်သွားသည် (တ ၁၆:၂၃-၂၆)။ ထောင်မှူး နိုးလာသော် ထောင်သားများထွက်ပြေးပြီဟုထင်ပြီး (ထောင်သားများ လွတ်သွား သည့်အတွက် ခံရမည့်ပြစ်ဒဏ်အတိုင်း) မိမိကိုယ်ကိုအဆုံးစီရင်ရန်ပြင်လိုက်သည်။ “ငါတို့အပေါင်းသည် ရှိကြ၏”ဟု ပေါလုအော်ပြောသောအခါ ထောင်သား…
ထိုင်ခုံအမှတ် ၂-ဒီ မှလူ
ကယ်လ်စေးသည် သူမ၏ (၁၁)လ အရွယ်သမီးလေး လူစီနှင့် လူစီ၏ အောက်စီဂျင်စက်ကို ပွေ့ချီလျက် လေယာဉ်လျှောက်လမ်းကျဉ်းကျဉ်းလေး၌ လျှောက်လာသည်။ လူစီ၏ နာတာရှည်အဆုတ်ရောဂါကို သွားကုရန်ဖြစ်သည်။ သူ့နေရာထိုင်ခုံတွင် ထိုင်ပြီးရုံ ရှိသေးချိန်တွင် လေယာဉ်မယ်တစ်ဉီးက ကယ်လ်စေး အား အထူးတန်းမှခရီးသည်တစ်ဉီးက သူမနှင့် ထိုင်ခံုနေရာလဲချင်ကြောင်း ပြောသည်။ ကျေးဇူးတင်စွာဖြင့် မျက်ရည်ကျလျက် ကယ်လ်စေးသည် ပိုပြီးကျယ်ဝန်းသောထိုင်ခုံသို့ လျှောက်လမ်းအတိုင်း အရှေ့သို့ပြန်လျှောက်လာစဥ် အကြင်နာတရားရှိသော လူစိမ်းလည်း သူမထိုင်ခံုသို့ လျှောက်သွားတော့သည်။
ရှင်ပေါလုမှတိမောသေကိုအားပေးသောစာ၌ ပါရှိသည့် ရက်ရောခြင်း အကြောင်းကို ကယ်လ်စေး၏ကျေးဇူးရှင်လူစိမ်းမှ သရုပ်ဖော်ပြနေသည်။ တိမောသေအား သူကြည့်ရှုပြုစုနေသူများကို “သူတစ်ပါးအားကျေးဇူးပြုရန်၊ ကောင်း သောအကျင့်၌ ကြွယ်ဝပြည့်စံုရန်၊ စွန့်ကြဲချင်သော စေတနာစိတ်ရှိရန်” (၁ တိ ၆:၁၈)၊ စသည်တို့ကို သွန်သင်လမ်းညွှန်ရန် ရှင်ပေါလုမှပြောကြားသည်။ လောကစည်းစိမ်ကြွယ်ဝမှုကြောင့် မောက်မာထောင်လွှားလာပြီး စည်းစိမ်ကို မျှော်လင့်ကိုးစားရန် သွေးဆောင်ခံရနိုင်ကြောင်း၊ ထိုသို့ဖြစ်မည့်အစား ထိုင်ခံုအမှတ်…
အလေးထားအပ်သော စုရုံးတွေ့ဆံုမှု
ကျွန်မတို့သူငယ်ချင်းတစ်စုသည် လှပသောရေကန်ကမ်းစပ်ပေါ်တွင် စနေ၊တနင်္ဂနွေ ၂ရက်တာ ပြန်လည်တွေ့ဆုံကြသည်။ ရေကစားခြင်း၊ အစားသောက်များ မျှဝေ စားသုံးကြခြင်းဖြင့် အချိန်ကိုကုန်လွန်စေသည်။ သို့သော် ညနေပိုင်းစကားဝိုင်းသည် ကျွန်မ အတွက် တန်ဖိုးအရှိဆုံးအစီအစဉ်ဖြစ်သည်။ ညမှောင်လာသည်နှင့်အမျှ တစ်ဦးနှင့်တစ်ဦး၏ မတူညီသောခံစားချက်များ၊ ခံနိုင်ရည်မဲ့မှုများကို ဖွင့်ဟကြ သည်။ နာကျင်ရသည့် အိမ်ထောင်ရေးအဆင်အပြေမှုများ၊ စိတ်ဒဏ်ရာရနေသည့် သားသမီးများ၏ခံစားချက်များကို ပွင့်လင်းစွာဝေငှကြသည်။ အမှန်တကယ် နာကျင်စွာခံစားနေရသည့် လက်တွေ့ဘဝကို ဝေဖန်သုံးသပ်မနေတော့ပဲ ပြင်းထန် သော အခက်အခဲကြားမှ ဘုရားသခင်၏သစ္စာတော်ကိုသာ တစ်ဦးနှင့်တစ်ဦး ညွှန်ပြလျက် အားပေးခဲ့ကြသည်။ ထိုညနေခင်းများသည် ကျွန်မ၏အသက်တာ၌ အကောင်းဆုံးသောအချိန်ဖြစ်ခဲ့သည်။
ထိုညများသည် ဘုရားသခင်ကသူ၏လူမျိုးတော်တို့အား သကေနေပွဲ(တဲတော် ပွဲ)ကို နှစ်စဉ်ကျင်းပရန် ညွှန်ကြားခြင်းနှင့် အလားတူပါသည်။ ဤပွဲတော်သည် အခြားပွဲများနည်းတူ ဣသရေလလူမျိုးတို့ ယေရုရှလင်မြို့သို့ ခရီးဦးပြုကြရသည်။ မြို့သို့ ရောက်သည့်ပထမနေ့၌ပင် ဓမ္မစည်းဝေးခြင်းအမှုကို ရက်သတ္တတစ်ပတ်ကြာမျှ ပြုလုပ် ရန်နှင့် ထိုအတောအတွင်း “အလုပ်မလုပ်ကြရန်”…
စကားပြောသော စားပွဲများ
အထီးကျန်ခြင်းသည် ကောင်းမွန်သောဘဝရှင်မှုအတွက် အကြီးမားဆံုး ခြိမ်းခြောက်မှု တစ်ခုဖြစ်သည်။ လူမှုမီဒီယာ၊ အစားအစာ စားသံုးခြင်းနှင့် မိမိအကြိုက်စသည်တို့အပေါ် ကျွန်ုပ်တို့၏အပြုအမူစိတ်သဘောထားကိုလိုက်ပြီး ကျန်းမာရေးကို ထိခိုက်စေသည်။ လေ့လာမှုတစ်ခုအရ လူသားအားလံုး၏သံုးပံုတစ်ပုံနီးပါးသည် အသက်အရွယ် ကျား/မ မရွေး အနည်းဆံုး တစ်ချိန်ချိန်တွင် အထီးကျန်သည်ဟု ခံစားရသည်။ ဗြိတိသျှ စူပါမားကတ် တစ်ခုမှ သူတို့၏ကော်ဖီဆိုင်များတွင် လူများအကြားဆက်သွယ်ရေးကို မြှင့်တင်ရန်အတွက် “စကားပြောစားပွဲများ"ကို ဖန်တီးခဲ့သည်။ အပြန်အလှန်တုန့်ပြန်မှုကို ရှာဖွေနေသူများ သည် ထိုရည်ရွယ်ချက်အတိုင်း သတ်မှတ်ထားသော စားပွဲတွင်ထိုင်ကာ အခြားသူများနှင့် ပူးပေါင်းခြင်း (သို့)ပူးပေါင်းလိုသည့်ဆန္ဒကို ဖော်ပြခြင်းဖြစ်သည်။ စကားစမြည်ပြောခြင်း သည် လူမှုအသိုင်းအဝိုင်းနှင့် ဆက်သွယ်ခြင်းကို ဖြစ်ပေါ်စေသည်။
ကနဉီးအသင်းတော်မှလူများသည် အဆက်အသွယ်ပြုလုပ်ရန် ကတိကဝတ် ပြုထားကြသည်။ တစ်ဉီးနှင့်တစ်ဉီး အဆက်အသွယ်မရှိပါက လောကသားများ အတွက် အသစ်အဆန်းဖြစ်နေသေးသော သူတို့၏ယံုကြည်ခြင်းကို လေ့ကျက်ရာ၌ အထီးကျန်မှုကို ခံစားရလိမ့်မည်။ ခရစ်တော်နောက်တော်လိုက်ခြင်း၏အဓိပ္ပာယ်ကို သိရှိရန် တမန်တော်များ၏သွန်သင်မှုကိုခံယူခြင်း…
သက်သာစေသောစကားလုံးများ
မကြာသေးမီက သုတေသနပြုချက်တစ်ခုတွင် ကျန်းမာရေးစောင့်ရှောက်သူများသည် လူနာများအား အားပေးစကားပြောပေးပါက ဖျားနာမှုမှ ပိုပြီးမြန်မြန်ကျန်းမာလာကြောင်းကို တွေ့ရှိခဲ့ကြသည်။ ရိုးစင်းသောလက်တွေ့စမ်းသပ်မှုတစ်ခုတွင် အရေပြား ယားယံသည့်လူနာများအား ၎င်းတို့၏စိတ်ဆန္ဒအလျောက် စမ်းသပ်မှု၌ပါဝင်ေစေပြီး ဆရာ၀န်၏အားပေးနှစ်သိမ့်မှုရရှိသောလူနာနှင့် မရရှိသောလူနာများ၏ တုံ့ပြန်မှုကို နှိုင်းယှဥ်လေ့လာရာ၊ ဆရာဝန်များထံမှ အားပေးစကားကြားရသော လူနာများသည် အပြောမခံရသောလူနာများထက် ယားယံမှုလျော့ပါးသက်သာကြောင်းတွေ့ရှိသည်။
သုတ္တံကျမ်းရေးသူသည် အားပေးစကားများ မည်မျှအရေးကြီးကြောင်း သိသည်။ သာယာသောစကားများသည် ကိုယ်အရိုးကိုပင် ကျန်းမာစေနိုင်သည့်အကြောင်း သုတ္တံ ၁၆:၂၄ တွင် ဖော်ပြထားသည်။ ထိုအပေါင်းလက္ခဏာဆောင်သောစကားများသည် ကျွန်ုပ်တို့ကျန်းမာရေးအတွက် အကန့်အသတ်မရှိကောင်းသလို ပညာနှင့် အမှုစောင့်သော သူသည်လည်း အကျိုးကိုရလိမ့်မည် (:၂၀)။ ထို့အတူပင် အားပေးနှစ်သိမ့်သော စကားများ သည်လည်း ယခုကြုံတွေ့နေသော စိန်ခေါ်မှုများနှင့် အနာဂတ်တွင် တွေ့ကြုံလာရမည့် အရာများအတွက် အထောက်အပံ့ဖြစ်စေပါသည်။
ဉာဏ်ပညာနှင့်အားပေးစကားများက မိမိ၏နေ့ဓဒူဝအသက်တာတွင် ခွန်အားများ မည်သို့ဆောင်ကြဉ်းပေးသည့်ကို ကျွန်ုပ်တို့ရှင်းရှင်းနားလည်ချင်မှ နားလည်မည်။ သို့တိုင် မိဘဆရာနှင့်လုပ်ဖော်ဆောင်ဖက်များ၏ အားပေးလမ်းပြမှုများက…